Cerkak FILM

FILM

(Dening Isma Nafi’ah)

Ana bocah telu kang lungguh ing kelas 12 SMAN 1 Perwari. Bocah telu iku jenenge Hito, Ihsan, lan Sulton. Hito yaiku anggota kelompok basket ing sekolahane. Ihsan yaiku anggota kelompok film sekolah. Sulton yaiku murid kang melu dadi anggota anak jalanan.

Esuk iku ing sekolahan Ihsan ngajak Hito lan Sulton supaya melu nggawe film sekolah. Hito lan Sulton setuju wae.

“Filme ngenani apa?” Takone Hito.

“Aku durung nemu temane apa!” Jawabe Ihsan.

“Sesuk wae lek mbahas, iki mau aku isih ana urusan.” Ujare Sulton.

“Iya.” Jawabe Ihsan lan Hito.

Sesuke bocah telu iku ngumpul ing perpustakaan sekolah kanggo ngrencanake perkara apa sing arep digawe film. Ngangge semangat kang gedhe Ihsan nglekasi omong ngenani angen-angen nggawe film. Sulton sing ora semangat ditegur karo Hito lan Ihsan.

“Nyapa awakmu katon sedih” takone Ihsan.

“Ora nyapa-nyapa, yen nganggo film sasi iki aku ora bisa amarga akeh tugas kelompok” jawabe Sulton.

“O....ya film iki sing penting dadine akhir kelulusan” omonge Ihsan.

“Alon-alon sing penting kelakon” ujare Hito.

Hito banjur ngomongne angen-angene yaiku menawa ngenani kegiatan ing sekolahan. Bocah telu kuwi wis nentokne yen film iki ngenani kegiatan ing sekolah.

Sesasi sakwise

Ihsan, Hito, lan Sulton nglekasi rencanane nggawe film. Nanging apa sing dibayangne ora padha karo nyatane. Nalikane guru matematika ngajar, Ihsan, Hito, lan Sulton rusuh ngenani sapa sing arep ngrekam.

“Sapa iki sing arep ngrekam?” takone Sulton lirih.

“Awakmu wae, yen aku engko weruh gurune” saure Ihsan lirih.

“Aku ora wani” ujare Sulton karo ngehne kamera.

Ihsan lan Hito sing ora gelem ngrekam ngewehne kamerane ning sulton maneh. Sulton sing ora nampani kamerane, banjur kamerane ceblok. Karusuhan iku krungu banter ing kupuinge gurune.

“Brakkk....” Suarane kamera sing ceblok.

“Apa kuwi?” Takone guru marang muride lan murid-murid pada kaget.

“Kamera pak!” Saure murid.

“Sapa sing dolanan kamera ing njero kelas?” Takone guru.

“Niku pak Ihsan, Hito, kaliyan Sulton” Saure murid.

Banjur bocah telu kuwi dikongkon metu lan dihukum supaya resik-resik kayata nyapu-nyapu lan ngepel.

            Nalika resik-resik Ihsan lan Hito nyalahake Sulton sing ora gelem nampa kamerane kang ngakibatake kamerane rusak lan ora gelem ngrekam. Sulton sing ora gelem disalahne banjur mbanting sapu sing digawe nyapu-nyapu.

“Nyapa kabeh iki salahku, ora mung aku sing pingin nggawe film iki.” Ujare Sulton. 

“Aku nyalahne awakmu amarga awakmu ora gelem nampa kamera sing tak wenehne” Saure Hito.

“Iya aku ngerti, wektu iku aku durung siap nampa awakmu wis menehne kamera.” Ujare Sulton.

Musuhan iku kedadeyan amarga ora ana sing gelem ngalah kang ngakibatake nggawe film mandek saknalika. Bengine Ihsan mikirne kedadeyan ing sekolahan mau sing ngakibatake renggange kekancan.

“Yen tak pikir aku karo Hito iku mung nyalahne Sulton, kedadeyan mau ora di sengaja karo Sulton.” Guneme Ihsan karo dolanan hp.

Ihsan sing ngerti perkarane banjur WA Hito lan Sulton supaya ngumpul ing perpustakaan sesuk istirahat. Esuk iku Ihsan, Hito, lan Sulton wis ngumpul ing perpustakaan.

“Assalamu’alaikum”. Ujare Sulton karo lungguh ing sandinge Ihsan.

“Aku ngajak ngumpul ning kene kanggo njelasne perkara dekwingi lan aku karo Hito njaluk pangapuramu.” Ujare Ihsan karo nepuk pundake Sulton.

“Iya...aku uga njaluk pangapuramu.” Saure Sulton.

Sulton, Ihsan, lan Hito nggawe janji ora bakal musuhan, yen ana masalah dirembugne bareng-bareng. Kamera sing rusak dibenerake ing service kamera. Banjur bocah telu kuwi ngrembugne ngenani film sing arep digawe.

“Aku nduwe usul yen filme ngenani kegiatan ing sekolah lan ngenani anak jalanan sing positif.” Ujare Sulton.

Ihsan lan Hito setuju karo angen-angene Sulton.

Akhire kamerane wis didandani, banjur film iku dilekasi saka sekolahan kedadeyan ing sekolahan kayata murid sing di hukum gurune amarga ora nggarap PR, kegiatan ekstrakurikuler lan intrakurikuler, lan liyane, banjur kegiatan ngenani anak jalanan direkam dina minggu.

Filme wis di edit banjur di tayangne ing aula sekolah. Hito lan Sulton nyiyapake peralatan kanggo nayangne kayata monitor, laptop, lan liyane. Murid sing pingin ndelok filme akeh banget. Ihsan, Hito, lan Sulton seneng banget kanggo ngrayakne Ihsan ngajak Hito lan Sulton mangan ning kantin sekolah.

BIODATA PANYERAT

Jeneng             : Isma Nafi’ah

Alamat            : RT.16 RW.04 Desa Baruharjo Kec. Durenan Kab. Trenggalek

Telepon           : 083839937261,

Email               : Afidatulkhuzaimah2@gmail.com

Sekolah           : SMAN 1 DURENAN

Tataran            : XII IPA 2/ urut kaping: 15