Cerkak SESUMBAR DADI BUYAR

-
SESUMBAR DADI BUYAR
(Dening : Ika lusiana)


Wengi sansaya atis, kekes kaya dening derese udan sing wis limang jam kaya disok saka langit, godhong-godhong jambu grogok saperangan maneh katon aclum kaya polatane Titis, bocah sing bingung merga arep pindah sekolah.
Haduh, udan tansaya deres, wengi sansaya kekes, ananging Titis katek isek bingung,”Opo iyo keputusanku pindah sekolah iki bener” pikire Titis.
Isuk iki Titis budhal menyang sekolahane sing anyar, Titis budhal sekolah diteraki marang mbake, teka sekolahan Titis ngrasa minder amarga Titis bedha karo kanca liyane, ananging sing isa ngilangi rasa mindere Titis yaiku Titis kepengen dadi wong sukses lan Titis tetep mensyukuri apa sing diwenehne gusti marang Titis, Titis duweni cita cita dadi profesor.
Teka sekolahan Titis langsung menyang kelase, teka kelas kanca kelase Titis nyawang kabeh karo raupan sing bingung, ananging Titis tetep PD masiho disawang kaya ngana.
Seminggu sekolah ning kana Titis duweni kanca sing apik banget marang Titis bocah iku jenenge Wulan, Wulan lungguh sak bangku karo Titis, masiho Titis duweni kekurangan Wulan ora tau bandheng-bandhengne Titis karo kanca liyane.
Dina iki maeng kelase Titis diwenehi Tugas marang gurune diutus gawe puisi, sakwise tugas iku diwenehne kanca sak kelase Titis banjur menyang perpustakaan goleki buku tentang puisi digawe referensi. Teka perputakaan Titis milih-milih buku amarga dak teko jupuk buku ing rak Titis nyuwun tulung Lisa dikon Jupukke buku ning rak buku, amarga Titis ora teka.
“Lis, aku nyuwun tulung jupukna buku puisi iki”, kongkone Titis
“Aduh, bocah manis mesake emen” jawabe Lisa karo raupan ora penak
“Jupukken dewe, aku sik repot”jawabe  Lisa karo bengok.
“ Aaku ora teka Lis” jawabe Titis kaget.
            Nalika Titis digetak Titis banjur meneng lan ngaleh, ora suwi wulan teka.
“Ginio Tis sampeyan kok meneng wae” takone Wulan
“Endak gene-gene Wul” jawabe Titis
            Sakwise iku Titis lan Wulan banjur nerusake garap tugase maeng. Bel mulih sekolah wis muni banjur kabeh murid mulih menyang omahe dhewe-dhewe.
Isuk iki Titis budhal sekolah kaya biasane, teka kelas Titis langsung menyang kelas lan ning jero kelas wis eneng Wulan.
“Dengaren budhal isuk sampeyan wul” takone Titis
“Iya Tis, mergane aku durung garap pr matematika mangkane aku budhal isuk” jawabe Wulan.
“Hoalah Wul,takira nyapo, mergane dengaren wae sampeyan budhal isuk”
“Hehehe, prmu wis sampeyan garap Tis, lek wis aku arep ngampel?
“Sampun Wul, iki sampeyan ampel.” Jawabe Titis
Merga wedhi lek selak masuk wulan banjur garap pr iku mau.
Ora suwi bel masuk muni banjur murid-murid mlebu ing kelase dhewe-dhewe. Merga iki dina bakal eneng rapat murid-murid diulehke luwih awal. Amarga Titis urung eneng sing mapak Titis mulih bareng Wulan.
            “Tis sampeyan mulih karo sapa?” takone Wulan marang titis
            “Embuh wul, mbak ku wis tak telpun nanging urung diangkat teka saiki”
            “Oalah ya wis sampeyan apa mulih bareng aku wae”
            “Endak usah wul engko ngrepotke sampeyan”
            “Wis ta ora-ora, aku andak ya dijupuk karo bapakku dadine ndak ngrepotne Tis”
            “Tenan lo Wul, ya wis ayo mulih”
            Banjur wulan lan titis mulih. Ananging ing tengah dalan mbakke Titis nelpon yen ning omah ora eneng uwong, kabeh metu, akhire merga titis ning omah ora enek kancane Titis banjur menyang omahe wulan.
“Wul aku tak ning omahe sampeyan ya, mergane ning omahku endak eneng sapa-sapa mbak lan ibuk bapakku isek metu?”
“Iya Tis, endak apa-apa”
            Banjur ngana Wulan lan Titis teka omahe Wulan, merga timbang ora nyapa-nyapa akhire wulan lan titis sinau bareng, merga Titis pinter matematika banjur wulan nyuwun warah marang titis dikon marahi sinau matematika. Merga wis sore lan wulan ya wis diparani marang mbake titis banjur nyuwun pamit mulih marang wulan lan wong tuwane wulan.
Isuk iki Titis budhal sekolah kaya biasane, teka sekolahan ya KBM kaya biasane, ananging ing tengah-tengah KBM ana pengumuman yen ketua kelas dikongkon kumpul ning ngarep perpustakaan. Banjur ketua kelase Titis metu ngenyangi pengumuman iku maeng. Eneng 10 menitan Doni wis balek saka panggon pengumuman, banjur Doni ngumumake yen bakal eneng lomba olimpiade matematika, sing bakal dienengke tanggal 28 oktober, sapa sing pingin melu dikon daftar menyang ketua kelas disek, lan sapa mengko sing bisa menang bakal dikirim menyang tingkat nasional.
“Tis sampeyan dak pengen melu lomba iku” takone wulan
“Emboh aku isik bingung wul”
“Ora usah bingung sampeyan kan isa matematika”
“Alah pada wae karo sampeyan wul, aku matematika ya ora isa-isa banget, alah wis aja bahas iku wae, ayo gek ndang ngebarne tugase iki”
“Oalah iya tis nganti lali aku”
Banjur titis lan wulan nerusake tugas sing diwenehi gurune. Banjur ngono bel muleh sekolah muni banjur murid-murid mulih. Ning dalan titis mikirne perkara lomba maeng. Banjur sesok isuk ing sekolahan titis nemoni Doni lan titis daftar yen titis pengen melu lomba iku mau.
“Don, aku daftar lomba olimpiade matemaika dekingi”
“Iya wul, muga-muga berhasil lan isa oleh juara”
“Amin”
Sakwise titis daftar lomba iku mau wulan teka lan titis cerita marang wulan yen dheweke melu olimpiade matematika.
            “Wul aku sidana melu lomba olimpiade matematika”
            “Tenan”
            “Tenan wul, yen sampeyan ra percaya sampeyan takok doni”
            “Iya, don titis apa melu lomba olimpiade matematika”
            “Iya wul, iki titis lagek bar daftar menyang aku”
            “Oalah siip”
Anaging ana sing ora demen yen Titis melu lomba iku, bocahe yaiku Lisa, bocah sing kawet dhisek ora demen marang titis emboh perkarane apa yen lisa iku ora demen marang titis. Amarga lisa krungu omong-omongane doni lan wulan yen titis bakal melu olimpiade matematika lisa melu nibrung omongane bocah lara iku maeng.
“Apa aku ora salah krungu yen titis bakal melu lomba olimpiade matematika,
bocah ngana wae arep melu lomba apa ya mampu”
“Apa maksudmu lis, ngomong ngana kuwi”
“Halah sok-sokan ra ngerti”
“Nyatune ora ngerti, sampeyan kuwi yen muni dijaga aja sukur ngomong”
 belane wulan amarga wulan ra trima yen kancane di ngonokke
“Wis to wul ra papa, wis dak usah diladeni”
Amarga titis cegah yen bakal dadi perkara, banjur titis ngejak ngaleh wulan banjur titis ngejak wulan menyang perpustakaan.
            Amarga pelajaran sekolah wis rampung banjur wulan lan titis mulih, ananging ing dalan titis nglamun wae amarga mbake wulan weroh yen adikke nglamun banjur mbake wulan takok marang titis.
“ Sampeyan ginio dik kok nglamun wae”
“Endak mbk”
“Sampeyan apa eneng masalah ing sekolahan”
Nalika ditakoni mbakke titis meng wae, titis bingung arep jawab piye
“Ngomongo wae dik enek apa?”
“Iya mbak, ngene lo aku kan melu lomba olimpiade matematika nanging ana kancaku sing dak demen marang aku melu lomba iki”
“Trus nyapa sampeyan pikirne barang dik, iku kan sing nglakoni sampeyan uduk kancamu iku maeng, sampeyan rasah mikir rena-rena, sampeyan kudu isa mbutekne marang kancamu iku maeng yen sampeyan isa ora gek sampeyan andak lagek dikonokke wae wis ra semangat, dadikno omongane kancanmu iku penyemangatmu melu lomba iku.”
“Iya mbk, nanging”
“Wis ta rasah nanging-nangingan, sampeyan kudu yakin marang kemampuanmu lan terus berusaha yen sampeyan isa menang ing lomba iku lan oleh juara”
Nalika diomongi mbakke iku titis duwe semangat eneh yen dheweke isa melu lomba iku lan menang.
            Amarga seminggu engkas olimpiadene bakal dienengke titis sinau tenanan saben dina titis sinau gen titis oleh juara. Wektu sing dienten-enteni titis teka dina ning ngendi titis bakal melu lomba, karo rasa sing deg-degkan lan rasa ra pede, kuwatir titis budal menyang panggonan lomba. Teka papan panggonan ning kana akeh banget bocah sing melu lomba, amerga lomba iki ora ung saka sekolahane titis wae nanging kawet sekolahan ngendi-ngendi, bajur rasue lomba sing dienten-enteni titis dilekasi. Titis kanthi yakin yen dheweke isa garap soal-soal iku, ora krasa wektu kari limang menit maneh, lan titis uga wis ngrampungne soal-soal ana ing lomba iku, senajan soale angel-angel ananging titis ora pantang nyerah, kanthi raupan bungah dheweke ora ngira yen dheweke isa ngrampungne soal lomba.
            Wayah sing gawe deg-degan dilekasi eneh, wayah ning ngendi iku wayahe pengumuman sapa sing dadi juarane lan akhire titis sing dadi juara, titis oleh juara siji lan titis banjur dikirim menyang tingkat nasional.
            Merga saka titis melu lomba iku lan titis oleh juara kanca-kancane titis sing biyen ngremehne titis banjur saiki dukung titis.
            Lan saiki titis dikenal dadi bocah pinter lan ora dikenal amerga titis duweni kekurangan.

BIODHATA PANYERAT





Jeneng : Ika Lusiana
Alamat : RT.32/RW.07 Desa Tawing,
Kec.Mnjungan,Kab.Trenggalek
No.Hp : 082302312085
E-mail : lusianaika10@gmail.com
Sekolah : SMAN 1 Durenan
Tataran / Urut Kaping :  XII IPA2 / 13








Komentar

Posting Komentar

Postingan populer dari blog ini

Cerkak GANDANE TEMPE BOSOK

-
Gambar
GANDANE TEMPE BOSOK (Dening Laily Amelia Hidayah) Bocah Kawit cilik,kawit bayi cedhek karo aku ,aku sing ngopeni ,nyandi-nyandi tansah kelet karo awakku .Yaiku Arun bocah lanang umur sangang taun kang tumekan saiki wis tak anggep dulur dhewe ,semono uga kulawargane Arun wis nganggep kulawargaku tangga rasa dulur. SDN Bumi Asri yaiku salah sijine sekolahan ing desaku . Dheweke sekolah menyang kono ,padha kaya adhikku ipe ,Adit ,bocah umur 6 taun ,anakke mbakku kang omahe ora adoh saka omahku.Saben dina ,Arun arep budhal sekolah mampir menyang omahe mbakku minangka marani Adit budhal sekolah bareng-bareng . “Le...tole..ibuk mengko ora sekolah ,sampeyan bareng Mas Arun ya?” Pitakone Mbak Alim menyang Adit. “Enggeh buk!niki kula tasik madosi sepatu!” Jawabe karo mbingungi ngalor ngidul nggoleki sepatu. “Iya le...gek ndang budhal selak kasep ,kae Mas Arun wis ngenteni ning ngarepan .” Kandhane Mbak Alim karo umbah-umbah ning mburi omah . “Buk tole budhal sekolah .Assalamu...
Baca selengkapnya

Cerkak FILM

-
Gambar
FILM (Dening Isma Nafi’ah) Ana bocah telu kang lungguh ing kelas 12 SMAN 1 Perwari. Bocah telu iku jenenge Hito, Ihsan, lan Sulton. Hito yaiku anggota kelompok basket ing sekolahane. Ihsan yaiku anggota kelompok film sekolah. Sulton yaiku murid kang melu dadi anggota anak jalanan. Esuk iku ing sekolahan Ihsan ngajak Hito lan Sulton supaya melu nggawe film sekolah. Hito lan Sulton setuju wae. “Filme ngenani apa?” Takone Hito. “Aku durung nemu temane apa!” Jawabe Ihsan. “Sesuk wae lek mbahas, iki mau aku isih ana urusan.” Ujare Sulton. “Iya.” Jawabe Ihsan lan Hito. Sesuke bocah telu iku ngumpul ing perpustakaan sekolah kanggo ngrencanake perkara apa sing arep digawe film. Ngangge semangat kang gedhe Ihsan nglekasi omong ngenani angen-angen nggawe film. Sulton sing ora semangat ditegur karo Hito lan Ihsan. “Nyapa awakmu katon sedih” takone Ihsan. “Ora nyapa-nyapa, yen nganggo film sasi iki aku ora bisa...
Baca selengkapnya

Cerkak MURUNG PEPINGINAN

-
Gambar
MURUNG PEPINGINAN (Dening Sofi Dwi Sanita)             Amir salah siji bocah SMA ing Trenggalek, saiki Amir kelas 12. Amir kalebu ing SMA sing anaTrenggalek lewat jalur   prestasi. Amir iku bocah sing pinter ing bidang olahraga yaiku voli.   “Huh jan serem tenan iki maeng maine” Ujare Amir sawise latihan voli. Amir seneng yen wis lagi nyekel bal voli kayata perkara sing ana pikiran bisa ilang. Amir kawit cilik wis demen voli, kawit SD dheweke wis bisa melu lomba-lomba antar SD ing desane nganti lomba ing tingkat kabupaten.             “Mir Amir, mrenea sedilutwae le” Suarane ibuke Amir saka pawon.             “Wonten punapa buk, kula taksih leren buk, nembe latihan voli” Ujare Amir saka kamar sinambi rebahan ing kasur saking kesele dheweke latihan voli dina iku.     ...
Baca selengkapnya